Португалската ракометна репрезентација обезбеди историски прв настап на Олимписките игри откако со 29:28 ја победија Франција во клучниот меч од квалификациите. Победата на Португалија значеше елиминација на Хрватска, додека Французите беа сигурни со минимален пораз и немаа многу причини за разочарување по мечот.
Дуелот беше „сомнителен“ поради неколку нелогични потези на француските ракометари во самата завршница. Најчудно беше кога на 10 секунди до крајот, при нерешен резултат 28:28, Мелвин Ричардсон реши да прави егзибиции и да додаде зад грб без гледање.
Французите ја загубија топката, а Руи Силва во контра напад даде гол за водство на Португалија од 29:28 на пет секунди до крајот. Французите се обидоа во преостанатоте време да израмни, дадоа гол за 29:29, но времето беше истечено и започна големото славје за Португалците.
Со овој резултат, Португалија и Франција се пласираа на ЛОИ во Токио, а Хрватска извиси поради најслабата гол разлика во мини табелата од трите селекции кои завршија со по четири бода. Коцкестите за прв пат по 21 година нема да бидат дел од Олимписките игри.
Drama en route for a HISTORIC berth to Tokyo 😱
Portugal 🇵🇹 score one before the buzzer over France and book the nation's first EVER ticket to the Tokyo Games in men's handball 👏
"And you can see what it means to them…" 🙌 pic.twitter.com/gHuljm0fwE
— CBC Olympics (@CBCOlympics) March 14, 2021
