Риека имаше неочекувани проблеми пред мечот со Реал Сосиедад, а на тројца фудбалери првично не им било дозволено да влезат на стадионот, поради покачена телесна температура.
Франко Андријашевиќ, Домагој Павичиќ и Жоао Есковал останале зачудени, бидејќи немаат никакви симптоми на Ковид-19, но мерачот покажувал дека имаат повисока температура, па им било кажано дека не можат да влезат на стадионот.
Сепак при повторното мерење се покажало дека играчите се во право и се најдоа во стартната постава за дуелот на својата Риека против Реал Сосиедад.
За хрватскиот претставник стартер е и нашиот репрезентативец Дарко Велковски, а по првото полувреме немаше голови.
