Драма во Талин, Србија пропушти шанса да визира настап на СП

Србија прокоцка голема шанса со победа во Талин против Естонија да го визира настапот на Мундијалот во Кина, но сепак ќе има меч-топка на домашен терен против Израел.

Естонците иако немаат шанса за пласман на СП, одиграа одлично и ја победија Србија со 71:70 и ги закомплицираа работите во групата Л во битката за третото место што води во Кина.

На едно коло до крајот, Србија има 17 бодови на третата позиција, зад веќе пласираните Германија и Грција, и го чека Израел на домашен терен. Израелците имаат 16 бодови и им треба победа во последниот меч, а во одредена варијанта и Грузија се надева на подвиг, ако ја победи Естонија на свој терен и Израел ја победи Србија.

- Оглас -

Најнови вести