Искусниот Кевин Лав, како и одличниот Бредли Бил се откажаа од дрим-тимот на САД во пресрет на Олимписките игри кои ќе се одржуваат во Токио. Селекторот Грег Попович изврши приморани замени со неочекувани и далеку послаби имиња.
Местото од повредениот Лав ќе го пополни Џавал Мекги, центарот на Денвер нагетс, додека Бил му го отстапи на анонимусот Келдон Џонсон од Сан Антонио спарс.
Првиот фаворит за златниот медал со овие промени загуби на квалитет, а нема да биде изненадување доколку има нови откажувања од играчи кои моментално настапуваат во големото финале во НБА лигата, како Девин Букер од Феникс и Крис Мидлтон од Милвоки.
