Аријан Адеми и Стефан Ристовски со Динамо Загреб денеска ќе го чекаат следниот ривал во нокаут-фазата од Лигата на Европа. Двајцата македонски репрезентативци синоќа го одиграа целиот меч против Краснодар во победата од 1:0, со што само го потврдија пласманот во 16-финалето на второто по ранг натпреварување во Европа.
Денеска од 13 часот ќе биде ждрепката, а Динамо може да добие кој било од останатите 15 екипи кои останаа во натпреварувањето. Во трка за трофејот во Лигата на Европа остауваат три поранешни европски прваци, и тоа Манчестер јунајтед, Ајакс и Милан. Тука се и англиските премиерлигаши Арсенал и Тотенхем, но и Динамо Киев, Гранада, Молде, Олимпијакос, Ренџерс, Рома, Шахтар Донецк, Славија Прага, Вилјареал и Јанг бојс.
Првите мечеви во осминафиналето се играат на 11 март, а реванш-дуелите се закажани за 18 март.
🤩 2020/21 round of 16! ✅
🏆 Favourites? #UEL pic.twitter.com/2KDXySH2QZ
— UEFA Europa League (@EuropaLeague) February 25, 2021