Бојан Богдановиќ имаше само една цел на мечот против Атланта хоукс, да постигнува поени, а тоа го правеше неверојатно добро и успеа да стаса и до запис во историската книга на НБА лигата.
Постигна 35 поени и е првиот кошаркар што уфрлил 25, или повеќе поени, а притоа да нема ниту еден скок, асистенција, блокада, или украдена топка.
Со четири статистички нули, но и одлична претстава во офанзивниот дел, Бојан е единствениот кошаркар со ваков учинок од сезоната 1973/74, кога за првпат во НБА лигата почнаа да се бројат блокадите и украдените топки.
Сличен учинок како популарниот „Бабо“ имаше Алан Хјустон во 2000 година. Како играч на Њујорк никс и Хјустон постигна 35 поени и немаше ниту една асистенција и скок, но запиша блокада и имаше и украдени топки, за разлика од Богдановиќ.
Јута ја победи Атланта со 128:126 и ја забележа шестата победа по ред, во ноќ што ќе се памети по уникатниот учинок на Бојан Богдановиќ.
Bojan Bogdanovic tonight
35 points
0 rebounds
0 assists
0 steals
0 blocksStraight bucket 🔥 pic.twitter.com/xi4aCe1q0F
— NBACentral (@TheDunkCentral) January 7, 2020