Нигерија го победи Тунис во малото финале на Африканскиот куп на нациите, а бронзата на „Супер орлите“ им ја донесе напаѓачот Игало со погодок во третата минута.
Играчот на Шангај Шенхуа ја искористи грешката на стоперот на Тунис Мерија и на голманот Бен Шерифија и погоди на стартот од мечот, а потоа мрежите мируваа повеќе од 90 минути, вклучувајќи го и продолжението од пет минути.
Нигерија е рекордер на АФКОН со 8 трети места, а трипати беше и шампион на континентот.
Задутре во финалето и мечот за титула, битка ќе бијат Сенегал и Алжир од 21 часот.
