Поранешен играч на Малага и Олимпик Марсеј уапсен поради трговија со дрога

Серхио Контрерас-Коке, некогашниот играч на Малага, Олимпик Марсеј и грчкиот Арис, е еден од уапсените во големата акција на шпанската полиција во откривање на група која се занимавала со трговија со дрога. Коке е уапсен во акцијата наречена „Маскота“, а се смета дека е еден од водачите на групата која дејствувала во Севилја, Малага и Гранада. Во акцијата бил запленет повеќе од еден тон хашиш.

Поранешниот фудбалер кариерата ја започна во Малага, а играше и во Олимпик Марсеј, додека најмногу се задржа во Арис, каде што во 175 меча даде 39 голови. Во 2017 година Коке реши да ја заврши кариерата и се врати во Шпанија, каде што очигледно започнал со нелегални активности.

 

- Оглас -

Најнови вести