Торонто го доби дербито со актуелниот НБА шампион, тимот на Голден стејт вориорс, со конечни 131:128. Мечот се одлучуваше во дополнително време. Торонто ја продолжи серијата на седум победи, а за „воините“ ова е осми пораз сезонава.
Битка на теренот се водеше и меѓу главните ѕвезди на двете екипи – Дурант против Ленард. Кошаркарот на Голден стејт можеби беше поуспешен од својот противник, меѓутоа и неговите 51 поени (11 скока) не беа доволни да се спречи нов пораз. Ленард реализираше 37 поени, Сиакам придонесе со 26 поени, Ибака додаде 20.
Победи забележаа двете екипи од Лос Анџелес. „Езерџиите“ на домашен терен го совладаа тимот на Индијана пејсерс со 104:96, пред сè, благодарение на Леброн Џејмс и неговите 38 поени.
Клиперс гостуваа кај Сакраменто и со победа од 133:121 останаа на врвот на Западот. Херис и Харел одново беа главните адути на Клиперси, со 28, односно 24 поени, додека Бојан Богдановиќ со 26 поени беше најефикасниот кошаркар на кингси.
