Есперанс го растури Ал-Сад со 6-2 и го освои петтото место на Светското клупско првенство, кое се игра во Доха во Катар. Туниски Есперанс стана првиот клуб во историјата на ова натпреварување кој постигнал 6 гола на еден натпревар. Шпанецот Чави, кој е тренер на Ал-Сад, уште еднаш потврди дека многу подобро се снаоѓаше како играч, отколку како тренер.
Но, наместо во центарот на вниманието да биде Елхуни, кој направи хет-трик, главна вест по мечот се нередите кои ги направија фановите на Есперанс. Инцидентите почнаа кога полицијата и обезбедувањето не дозволија да биде истакнат транспарент на кој пишуваше „Е.. се ФИФА“.
Туниските навивачи и пред некој ден се тепаа на трибините, а денеска палеа и чадни бомби и факли. Поддршка за нив дадоа навивачите на Фламенго, кој пред половина час го почна полуфиналето против Ал-Хилал.
Riot police wading in. Al Sadd 2-6 Esperance. Pyro in the opposite end too… pic.twitter.com/0nsu7bpxCf
— James Montague (@JamesPiotr) December 17, 2019
Во другото полуфинале, утре Ливерпул се среќава со Монтереј.
No pyro, no party! #CWC19 pic.twitter.com/sVpS0BwL9p
— James Montague (@JamesPiotr) December 17, 2019
