Гласовите од Македонија за „Златна топка“ традиционално ги доделува весникот „Вечер“, па новинарот Марио Сотировски ја имаше честа и годинава да додели пет гласови.
Сотировски најмногу поени му даде на Италијанецот Жоржињо, а од второ до петто место ги смести Кевин Де Бројне, Лионел Меси, Ерлинг Халанд и Симон Кјаер.
На листата го нема Роберт Левандовски кој заврши како второпласиран со 33 гласови помалку од освојувачот Меси, а трети беше фаворитот на Сотировски за 2021 година, Жоржињо, фудбалер кој годинава ги освои Лигата на шампионите и Европското првенство.
