Роџер Федерер не го заборави својот прв тренер и ментор Питер Картер, а едно прашање на новинарката на Си-Ен-Ен (CNN) го расплака големиот тениски ас.
„Што мислиш што би ти рекол Питер и како би размислувал сега кога имаше освоено 20 гренд-слем титули“, го праша новинарката швајцарскиот ас, а Федерер не можеше да ги задржи солзите.
„Се надевам дека ќе се гордееше со мене и со моите успеси. Тој ми беше прв тренер и не можам да го заборавам. Можеби неговата смрт ме предизвика посериозно да тренирам. Не сакав да бидам пропаднат талент“, изјави Федерер.
Roger Federer's inspirational former coach died in a car crash on his honeymoon in 2002.
Nearly two decades on, Federer still gets emotional when he talks about Peter Carter.
Our exclusive interview: https://t.co/AJM6UXgt6H pic.twitter.com/g9aiylaKy8
— CNN Sports (@cnnsport) January 7, 2019
Картер загина во сообраќајна несреќа во 2002 година во Јужна Африка, на патување со својата сопруга. Медениот месец испадна трагичен за животот на Австралиецот, кој го пронајде тениското чудо од Базел и го научи на првите тениски чекори.
Федерер како што е познато е рекордер по бројот на освоени гренд-слем титули и ги има точно 20.
