Фудбалерите на Фиорентина продолжуваат со одличните игри во последно време и на „Џузепе Меаца“ ја остварија петтата победа по ред во Серија А, а вкупно се во серија од 10 меча без пораз во сите натпреварувања. Интер пак, го претрпе третиот пораз по ред во Серија А.
Виолетовите пред четири кола го совладаа и вториот тим од Милано, Милан со 2:1.
Фиорентина е единствен тим во Серија А кој славеше на последните пет меча, дури и лидерот Наполи на кого му се насмевнува шампионската титула, нема ваква победничка серија поради поразот во дербито против Лацио (0:1).
Последна жртва на Виолетовите е Интер кој е совладан со 0:1. Со новата победа, Фиорентина се искачи на осмото место на табелата со 40 бода, еден помалку од Јувентус, а седум помалку од Рома која се наоѓа на позиција која носи пласман во европските купови.
GOAL | Inter 0-1 Fiorentina
⚽ Bonaventura pic.twitter.com/GAA0cwPqLx
— VAR Tático (@vartatico) April 1, 2023
Стрелец на единствениот гол беше Џакомо Бонавентура во 53-та минута.
Интер можеше да се спаси од пораз, но Ромелу Лукаку е далеку од формата од пред две години кога беше најдобар стрелец во Серија А и на Интер му ја донесе шампионската титула. Тој од пет метри, не успеа да ја затресе мрежата на голот на Терачано.
🔴 22 milioni l'anno per #Lukaku
Grazie Beppe #InterFiorentina https://t.co/9k0nLggps0— Dr. Tuitter (@DrTuitter) April 1, 2023
