Барселона сезонава покажа дека има слабости, откако претрпе неколку порази. Каталонскиот гигант беше нокаутиран на гостувањето во Лондон кај Челзи и загуби со 3:0 во Лига на шампиони, натпреварување во кое загуби и дома од ПСЖ со 2:1. Барселона и во домашното првенство губеше со Реал Мадрид со 2:1 и Севилја со убедливи 4:1, што секако е знак дека е потребно да се направат некои корекции во екипата.
Според шпанските медиуми, тренерот ханси Флик веќе имал разговори со спортскиот директор Деко и му посочил дека му се потребни засилувања на три клучни позиции. Најголем приоритет ќе биде доведување на стопер кој игра со левата нога, затоа што по заминувањето на Мартинез, се појави „дупка“ на тоа место.
Треба да се работи за доведување на квалитетен крилен напаѓач, како и класична „деветка“, односно фудбалер кој ќе биде задолжен за постигнување на голови. Барселона сега го има Роберт Левандовски, но Полјакот веќе е во поодминати фудбалски години и мора да се бара негова алтернатива.
