Француски „Лекип“ објави една фотографија на која се гледа како двајца аргентински резервни играчи се во терен една секунда пред Лионел Меси да го даде голот за 3-2 и тврдат дека тоа е прекршување на правилата и голот требало да биде поништен.
Многумина ова го толкуваат како „плачење“ на поразениот финалист, но интересно е дека правилата на фудбалската игра на ФИФА потврдуваат дека голот можело да биде поништен ако четвртиот судија или судиите во ВАР-собата забележеле и пријавеле дека има аргентински играчи на терен, а не смееја да бидат таму.
Иако тие се на 40 метри од топката и никако не влијаат на акцијата, ако судиите стриктно ги почитувале правилата, голот можело да биде поништен.
