Украинскиот фудбалер Дмитро Кравченко, кој неодамна потпиша за Металист Харков, предизвика сообраќајна несреќа во која тој го искрши својот и уште три автомобили. За среќа, нема потешко повредени лица во инцидентот.
Кога дошла полицијата на местото на настанот, утврдено било дека Кравченко има дури 1,85 промили алкохол во крвта, што е за деветпати повеќе од дозволеното во Украина. Кравченко има 25 години, а по седум години во Ворскла, во последниот преоден рок се пресели во Металист, за кого досега има шест настапи и еден гол.
