Новак Ѓоковиќ се пласираше во второто коло на Австралија опен, откако без поголеми проблеми со 3:0 во сетови го победи шпанскиот тенисер Педро Мартинез. Во сите три сетови, Ноле беше убедлив и ги доби со 6:3, 6:2 и 6:2.
Турнирот во Мелбурн е омилениот гренд слем за српскиот тенисер, затоа што тука има рекордни 10 титули. Ѓоковиќ ја брка рекордната 25-та гренд-слем титула, а вкупно 101 во кариерата.
Со денешниот настап, Ѓоковиќ го израмни и рекордот на Роџер Федерер за најмногу настапи на гренд слем турнири. Ова за него е 81-ви Гренд слем турнир во кариерата.
