Новак Ѓоковиќ пред својот натпревар од првото коло на „Ролан Гарос“ се појави облечен во јакна со волк на грбот. Дизајнот е на креативниот директор на „Лакост“ и е инспириран од текстурите, боите и атмосферата на сезоната на земјени терени.
„Волкот е моето духовно животно и заштитник на мојот народ и на сите на Балканот. Постои мала приказна зад овој дизајн. Како дете гледав волци како шетаат во шумите на планината каде што пораснав. Таа средба ме исплаши во исто време, но ме поврза уште повеќе со волците. Таа врска ја носам со себе и ми помага да пронајдам енергија кога ми е потребна. Таа динамична енергија понекогаш се претвора во завивање или излив на емоции, најчесто тоа е корисна енергија“, објасни Србинот по неговата победа од 5-7, 7-5, 6-1, 6-4 над Џовани Мпетши Перикар.
На овој меч, 39-годишниот „стар волк“ го сруши рекордот на Роџер Федерер и Фелисијано Лопез за најмногу настапи на гренслем турнирите. Ова е негов 82-ри гренслем во кариерата, а има рекордни 24 титули.
