Најдобриот српски тенисер Новак Ѓоковиќ експресно се пласираше во второто коло на тенискиот турнир на Олимписките игри откако убедливо го совлада Австралиецот Метју Ебден со 2:0 во сетови (6:0, 6:1) по само 53 минути на теренот.
Лесно го помина првото коло и Карлос Алкарас кој исто така славеше со 2:0 во сетови (6:3, 6:1) против либанскиот тенисер Хади Хабиб.
Искусниот австралиски тенисер Метју Ебден, кој е специјализиран за двојки и не игра сингл, немаше апсолутно никакви шанси против Новак Ѓоковиќ, чија доминација беше комплетна.
Новак одлично враќаше, го тераше Ебден да трча многу повеќе, а Австралиецот не можеше да стори речиси ништо, и покрај тоа што публиката во вториот сет беше на негова страна, сакајќи да види малку повеќе атракција и подолг меч.
И самиот Ебден се потруди тоа да биде така, бурно реагирајќи на освоените поени, а во еден момент за време на првиот сет дури и им го понуди својот рекет на навивачите со желба да дојдат и да му помогнат на теренот.
Ebden just asked people in the crowd if they wanted to play against Djokovic instead of him 😭😂
— Olly 🎾🇬🇧 (@Olly_Tennis_) July 27, 2024
Down 0-6 0-2, although, to be fair, Matthew hasn’t played a singles match in TWO YEARS 😅 pic.twitter.com/rQgIxx361j
