Најдобриот светски тенисер, Новак Ѓоковиќ, со лесни и убедливи 2-0 обезбеди пласман во третото коло на мастерс-турнирот во Рим, но после мечот се случи инцидент во кој србинот со шише беше погоден во глава. Од снимките можеше да се види дека дека шишето испадна од торбата на еден од гледачите, а Ѓоковиќ веднаш беше пренесен на детални прегледи.
Откако беше пуштен од болница, србинот се огласи на социјалните мрежи и најави дека го продолжува настапот на мастерсот во Рим.
„Ви благодарам за пораките со загриженост. Ова беше несреќен случај, добро сум и во моментов се одмарам со вреќичка мраз. Се гледаме во недела.“ – напиша Ѓоковиќ.
Thank you for the messages of concern. This was an accident and I am fine resting at the hotel with an ice pack. See you all on Sunday. #IBI24
— Novak Djokovic (@DjokerNole) May 10, 2024
