Иако не ја освои титулата туку испадна во полуфиналето на „Ролан Гарос“, Новак Ѓоковиќ ќе профитира од својот настап на парискиот гренслем турнир кој се играше на земјена подлога.
Новак ќе има 400 поени плус и ќе биде петти на АТП листата која ќе биде објавена утре, и тоа со само 170 поени помалку од четвртиот Џек Дрејпер, а само 70 повеќе од шестиот Лоренцо Музети. Тејлор Фриц ќе падне за три места од четврто на седмо место.
На првите три места ќе нема промени, Јаник Синер иако загуби во финалето, се зацврсти на врвот на ранг листата и сигурно ќе остане таму до крајот на наредниот гренслем турнир, а тоа е Вимблдон.
