Голем проблем имаат Швеѓаните пред стартот на самата завршница на ракометниот Мундијал и останаа без еден од главните адути во битката за титулата и медали.
Џим Готфридсон ја скрши раката на четвртфиналниот дуел со Египет, што домаќините го добија со 26:22.
Средниот бек на Швеѓаните се надеваше дека нема скршеница, но снимките покажаа дека повредата е потешка од што очекуваше и ќе паузира околу два месеца.
Тоа автоматски значи дека нема да игра во полуфиналето против Франција утре од 21 часот.
Французите се апсолутни рекордери со шест светски шампионски круни, a Шведска со Романија е на второто место на вечната листа со 4 титули.
Во првото полуфинале утре од 18 часот ќе играат Шпанија и Данска.
