Голманот на Верона, Марко Силвестри, успеал да го изнервира Златан Ибрахимовиќ од Милан пред да му шутне пенал на синоќешниот натпревар од Серија А. Како што е познато, Златан многу непрецизно го изведе пеналот, ова е трет утнат пенал по ред, а потоа рече дека веќе нема да шутира од белата точка и таа работа ќе му ја препушти на Френк Кеси.
„Утна минатиот пат, нели?“, било прашањето кое Силвестри му го поставил на Швеѓанецот.
Иако Златан има речиси 40 години и поминал низ сито и решето во кариерата, многу неискусно наседна на провокацијата и крајно непрецизно го изведе пеналот. Во финишот тој делумно се извади за киксот бидејќи даде гол од игра.
