Финскиот прволигаш Купс од Куопио успеа да забележи историски успех и за првпат да се пласира во финале во квалификациите за Лигата на Европа, а градот и буквално гореше за своите миленици на дуелот со Судува.
Навивачите се собраа во голем број зад трибините на стадионот и навиваа за Купс, екипа која победи со 2:0 и се пласира во завршната етапа и е на еден чекор од историски настап во фазата по групи.
Со голот на Рангел, домаќините поведоа во првото полувреме, а печат на победата стави Тарасовс со погодок во вториот дел.
Купс ќе игра против победникот од дуелот меѓу Ѓургарден и Клуж и ќе биде гостин во клучниот меч за пласман во фазата по групи во Лигата на Европа.
Претходно и Арарат Ерменија успеа да го победи Целје со 1:0 по продолженија и да се пласира во финалето, каде што ќе ѝ биде домаќин на Црвена ѕвезда на први октомври.
