Менаџерот на Манчестер сити, Хосеп Гвардиола, рече дека победата од 5-0 против Спортинг Лисабон не ја одразува вистинската разлика во квалитет, но неговиот тим бил сурово прецизен и максимално го казнувал противникот.
„Мора да играме подобро. Некои играчи лесно губеа топки, имавме погрешни додавања, против врвните екипи во Европа ќе бидеме казнети за такви грешки. Но, бевме прецизни во реализацијата. Разликата помеѓу тимовите не е за 5-0, но ги казнувавме. Среќен сум што победивме, но можеме да играме подобро“, рече Гвардиола по триумфот во главниот град на Португалија.
