Лајпциг со играч помалку освои само бод против Херта при конечни 2-2, иако домаќините добија подарок од противничкиот голман со кој можеа да стигнат до трите бода. Руне Јарстејн неславно го заврши мечот така што ударот на Шик во 68-мата минута му избега од рацете, па топката заврши во неговата мрежа за среќа на Лајпциг.
Киксот на Јарстејн е доволно добра причина за Херта да тргне во ангажман на нов чувар на мрежата, а засега прв избор им е Лорис Кариус, германскиот голман на Ливерпул кој се прослави со киксовите против Реал Мадрид во финалето од ЛШ пред две години.
10 men RB Leipzig take the lead in the game against Hertha Berlin
Schick scores in the 68th minute #RBLBSC
— VBET News (@VBETnews) May 27, 2020
Инаку гостите од Берлин претходно поведоа преку Грујиќ на стартот од првиот дел, а Клостерман ја врати неизвесноста во 24-тата минута. Црвените бикови половина час играа со играч помалку по исклучувањето на Халстенберг во 63-тата минута, а по голот на Шик одговори Пјонтек од белата точка во 82-рата минута.
RB Leipzig 2-2 Hertha BSC
82' Krzysztof Piątekhttps://t.co/aC800DNn5S#SofaScore #LEI #HER— Giles Morrison (@GilesMorrison2) May 27, 2020
Лајпциг останува на третото место на табелата по 28-мото коло со 55 бода, два помалку од второпласираниот Дортмунд, додека Херта стои на средина на табелата со 35 бода.
