Златан Ибрахимовиќ го засили Хамарби, но не како играч, туку како дел од сопственичката структура во популарниот шведски клуб.
Засега нема да игра за третопласираниот клуб во Шведска, иако и тоа не е исклучено бидејќи има понуди од Милан и од Болоња.
Популарниот Ибракадабра вели дека сака, пред сè, да направи најдобра фудбалска академија во Скандинавија во Хамарби.
„Има и пари и контакти и сакам да направиме клубот да има светла иднина. А, иднината е во младите играчи, па ќе се обидеме сите во клубот да развиеме одлична скаутинг мрежа за да направиме најсилна младинска академија во Скандинавија. Клубот многу ми се допаѓа, имаат фантастични навивачи и заслужија респект не само во Стокхолм, туку во цела Шведска“, изјави Златан.
Тој сè уште чека да завршат преговорите со Милан, кој е најконкретен со понудата и речиси сигурно ќе продолжи во Серија А, по завршувањето на авантурата во МЛС лигата и настапите за Лос Анџелес галакси.