Ли Тие важи за една од најголемите фудбалски ѕвезди во Кина. Тој е фудбалерот кој пред повеќе од 20 години успеа да замине во Европа и потпиша за тимот на Евертон во Англија. Со овој потег, тој успеа да го „скрши мразот“ и да го отвори патот на многу фудбалери од Азија кон Европа.
Дефанзивниот играч за врска има и 92 меча за репрезентацијата на Кина, а по завршување на играчката кариера, тој две години во периодот од 2019 до 2021 година беше и предводник на селекцијата на Кина.
Овој прославен фудбалер, сега доживеа неславен крај, откако беше осуден на доживотен затвор поради примање и нудење мито, како и за местење фудбалски натпревари.
Ли призна дека платил повеќе од 350.000 евра за да биде назначен за селектор на Кина, а призна и дека одиграл улога во скандалот со наместенни мечеви во дел од кинеските клубови.
„Многу ми е жал. Требаше да ја држам главата доле и да го следам вистинскиот пат. Постоеја некои работи кои во тоа време во фудбалот делуваа како вообичаена пракса“, рече Тие откако ја слушна пресудата.
Mads news coming out of China. Li Tie, former #Everton midfielder sentenced to life imprisonment for corruption. pic.twitter.com/5gmJOKWbDE
— Scott Sommerville (@Saigon_Redux) February 23, 2024