Дејан Илиев ќе патува за Баку, но во трилингот на голмани што ги има Арсенал, веројатно ќе биде на трибините на финалето во Европа Лигата против Челси.
Македонскиот репрезентативец е на списокот на Унаи Емери за пат во Баку, каде на 29. мај ќе се игра мечот за пехарот во лондонската пресметка меѓу Арсенал и Челси.
„Баку доаѓаме“ порачува Илиев, а целта на „топчиите“ се знае, да се надигра и победи Челси и да се освои вториот европски пехар по тој во поранешниот Куп на победници на купови во 1994 година.
Прва опција за голманската позиција е Лено, Чех ќе му биде резерва, а Илиев ќе биде алтернатива, ако некој од првите двајца не може да брани.
Мечот ќе се игра на Олимпискиот стадион во Баку на 29.мај од 21 часот.
