Македонската фудбалска репрезентација составена претежно од играчи што настапуваат во домашното првенство ги почна подготовките за пријателскиот меч со Саудиска Арабија закажан за 22-ри октомври во Абу Даби.
Во овој термин не можат да патуваат стандардните репрезентативци поради клупски обврски, па ова е и одлична шанса за домашниот кадар.
Има многу познати лица на првиот ден од подготовките и поранешни и актуелни репрезентативци од калибарот на Дориев, Хасани, Ибраими, Младеновски…, а и некогашни младински репрезентативци, потоа и сериозни кандидати за А селекцијата.
Македонија и Саудиска Арабија ќе играт на стадионот „Зајед спорт сити“ во Абу Даби, Обединетите Арапски Емирати, а капацитетот е 45 илјади места.