Фудбалерот Сунил Четри е непознат за пошироката јавност, но тој денеска стана втор стрелец меѓу активните играчи, кога станува збор за голови за репрезентацијата. Четри на денешниот дуел против Тајланд на азиското првенство во ОАЕ, даде два гола, и сега има 66 во дресот со националниот грб.
Повеќе голови за својата земја од активните фудбалери има постигнато само Кристијано Роналдо кој за Португалија дал 85 гола. Четри со денешните голови го надмина Лионел Меси, кој има 65 гола во настапите за Аргентина. Четри најпрвин од пенал се изедначи со Меси, а потоа го претрка со убав гол.
Четри има 34 години и игра за клубот Бенгалуру од Мумбаи. Погледнете го неговиот гол број 66 во дресот на репрезентацијата:
https://www.youtube.com/watch?v=yKbvMyKY7Ew
