Шпанскиот плејмејкер Иско не се најде на листата на фудбалери кои се во комбинација за настап на вечерашниот натпревар на Реал Мадрид против Елче. Од Реал објавија дека 28-годишниот Иско стана татко по третпат и дека поради тоа не отпатува со летот од Мадрид до Аликанте.
Иско и сопругата Сара Саламо веќе имаа две деца, а третото, машко дојде на свет денеска, па затоа Иско беше ослободен. Отсуството на Иско и не е толку голем хендикеп за Кралскиот клуб. Тој сезонава беше стартер само трипати и во тие средби Реал најчесто губеше.
Договорот со Реал му истекува во 2022 година, се очекува налето да си замине, најверојатно во Севилја. Освен Иско и повредениот Родриго, сите други играчи на Реал се кандидати за настап против Елче.