Интер ќе игра во финалето на Лигата на шампионите откако по двата меча со Барселона и вкупно одиграни над 210 минути беше подобар со вкупен резултат од 7:6. На вечерашниов реванш во Милано, Интер победи со 4:3 по 120 минути игра.
Иако Ачерби даде гол за 3:3 во 90+3 минута, а потоа Давиде Фратези погоди во 99-тата минута за 4:3, сепак во редовите на Интер не треба да се заборави еден „херој од сенка“.
Голманот Јан Сомер прими три гола вечерва, но имаше седум одбрани, од кои неколку беа неверојатни. Швајцарскиот репрезентативен голман посебно воодушеви во 114-тата минута, кога успеа да му го одбрани шутот на Ламин Јамал.
Кога многумина ја видоа топката во голот, Сомер одбрани и го спаси Интер.
Претходно Сомер имаше фантастична одбрана и во 77-мата минута по шутот на Јамал.
Yann Sommer great save against Barcelona 77′
byu/50lipa insoccer
Голманот на Интер на неверојатен начин го одбрани и шутот на Ерик Гарсија во 57-мата минута.
