Српскиот центар Никола Јокиќ има нова песна со која се мотивира пред натпреварите во НБА лигата. Најкорисниот играч во НБА за минатата сезона, овојпат го смени жанрот на музика, и сега ја слуша песната „Долази синдикат“ (Доаѓа синдикатот) од српската рап група „Београдски синдикат“.
Досега Јокиќ кој е роден во Сомбор, обично си пушташе балади од Ѓорѓе Балашевиќ или локал патриотски песни како „У том Сомбору“.
Сега Јокиќ „удри“ на нешто поагресивен стил на музика, а дел од текстот од песната со кој се мотивира пред дуелите со противниците е: „Знам дека мислиш дека сме готови, дека нè нема. Сепак, доаѓа синдикатот, посилен од било кога“.