Никола Јокиќ не поппушта во темпото со одлични настапи во НБА лигата. Српскиот центар беше убедливо најдобар на теренот за победа на Денвер на гости кај Сан Антонио од 127:112.
Јокиќ мечот го заврши со 35 поени, 17 скокови, а му недостасуваа само уште две асистенции за да има трипл-дабл. По речиси израмнетата прва четвртина кога домаќините имаа еден поен предност (29:28), Денвер беше убедлив во втората и третата четвртина.
Овие две четвртини, гостите ги добија убедливо со 44:27 и 31:18, па во пресрет на последниот квартал Денвер имаше убедлива предност од 103:74. Јокиќ постигна 35 поени за помалку од 35 минути поминати на паркетот, бидејќи во последната четвртина и немаше потреба најдобриот играч на гостите да игра.
Во останатите мечеви кои се играа ноќеска, постигнат исе следниве резултати: Вашингтон – Јута 98:123, Кливленд – Сакраменто 117:103, Мемфис – Хјустон 113:106, Мајами – Чикаго 118:92, Филаделфија – Голден Стејт 102:93.