Лука Јовиќ не се изнаигра во Реал Мадрид и не ги оправда очекувањата, па затоа на крајот од оваа сезона тој ќе замине.
Српскиот голгетер кој дојде од Ајнтрахт Франкфурт во 2019 година за 60 милиони евра, одигра само 34 натпревари и даде три гола досега, а клубот планира налето да го продаде.
За српскиот голгетер најзаинтересиран е Милан, кој планира да го подмлади составот, а исто така се споменува и Борусија Дортмунд. Но, за доаѓање во германскиот великан треба да се разреши ситуацијата со Ерлинг Халанд и дали тој ќе си замине.
Колку за споредба, Лука Јовиќ во Ајнтрахт Франкфурт одигра 54 натпревари на кои даде 25 гола, но јасно е дека тимот од Франкфурт е далеку од нивото на Реал Мадрид.
