Управата на Барселона денеска објави видео како ќе изгледа „Камп Ноу“ по реновирањето кое треба да биде завршено во 2024 година.
Засега не е познато колку ќе чини реновирањето, медиумите шпекулираат со сума од милијарда евра, а освен најголемиот стадион во Европа, ќе биде реновинарана и салата „Блауграна“ во која настапуваат ракометарите и кошаркарите на Барселона.
Исто така ќе бидат реновирани и просториите наменети за членовите на клубот, потоа канцелариите и хотелот, а ќе биде среден и паркингот пред стадионот.
Најавено е дека на новиот кров ќе бидат поставени соларни плочи кои ќе произведуваат елекрична енергија.
Стадионот „Камп Ноу“ е изграден 1954 година, а три години подоцна, Барселона на него го одигра првиот натпревар.