Капитенот и најдобар стрелец на Англија, Хари Кејн, верува дека жештината „нема да биде фактор“ благодарение на режимот на тренинг на тимот за претстојното Светско првенство. Англија го отвора турнирот против Хрватска на 17 јуни во Арлингтон, Тексас, но претходно Гордиот Албион ќе го одигра својот последен контролен натпревар против Костарика в среда во Орландо, Флорида.
„Искрено, не мислам дека жештината беше толку лоша. Очигледно се навикнувавме на топлото време на тренинзите. По првите неколку дена почувствував дека повеќето од момците се навикнати“, рече Кејн, кој го постигна единствениот гол на последниот меч што Англија го одигра против Нов Зеленд во триумфот од 1:0. Тоа беше 67-миот гол на Хари Кејн годинава за клубот Баерн Минхен и за националниот тим.
Температурите во Тампа беа околу 32 степени, објави Ројтерс.
„Денес не се чувствував навистина лошо. Сите сме професионални спортисти. Сите направивме правилни подготовки за овој турнир, и ние и персоналот. Сè уште имаме уште неколку дена до првиот натпревар, тренираме во оваа средина, па мислам дека како што се приближува Светското првенство, тоа нема да биде фактор“, додаде Кејн.
