Новиот фудбалски првак на Македонија, Вардар, ја продолжи соработката со спонзорот „Новоматик Македонија“. Црвено-црните и „Новоматик“ уште минатата сезона започнаа соработка, а по успешната сезона и освоената титула, таа соработка продолжува и во следниот период.
„Дозволете на почетокот во името на менаџментот на клубот, на играчите и на навивачите да упатам благодарнот што ‘Новоматик Македонија’ беа со нас кога ја почнавме најтешката битка за враќање на довербата на навивачите на спортската, но и пошироката јавност. Довербата на ‘Новоматик Македонија’ во нашиот проект придонесе да ја освоиме 12-тата титула фудбалски шампион во македонското национално првенство“, изјави Горан Закариќ.
Од „Новоматик Македонија“ велат дека одлуката за продолжување на договорот за соработка е донесена бидејќи ФК Вардар не е само спортски клуб, туку симбол на македонскиот идентитет и успешен национален амбасадор.
„Во ‘Новоматик Македонија’, во чија групација се светски реномираните брендови Адмирал, Астра и Казино Фламинго, сме многу горди што ги подржавме амбициите на најтрофејниот македонски клуб кога беше најтешко и кога ФК Вардар требаше да се подигнува од амбисот. Уште повеќе што нашата повеќегодишна соработка ја крунисавме со нова титула на ФК Вардар. Денес, заедно со капитенот Горан Закариќ, објавуваме дека светскиот шампионски бренд во игрите на среќа ја продолжува поддршката на македонскиот фудбалски шампион Вардар! Патот до спортскиот успех на ФК Вардар беше тежок, но ние никогаш не престанавме да веруваме. Како што сега веруваме дека следуваат уште многу блескави спортски успеси”, изјави на прес-конференцијата по повод продолжувањето на договорот, Петар Пенчев, претставник на менаџментот на ‘Новоматик Македонија’.
