Легендарниот шпански голман Сантијаго Кањизарес жестоко го нападна тренерот на Рома, Жозе Мурињо, откако во текот на целиот натпревар имаше забелешки кон судиите, влегуваше во конфликт со противничката клупа, а на крајот го фрли и сребрениот медал.
„Мурињо е одличен тренер чии тимови постигнуваат резултати, но тој нема добро воспитување, принципи и спортски дух. Тој има негативни ставови. Нормално е по последниот пенал на да Севиља му честита на Мендилибар, а не да го симнува медалот затоа што вели дека не сака сребро. Фудбалот треба повеќе да се цени. Стигнав до две финалиња во Лигата на шампионите и ги загубив. Други ги гледаа од дома. Мислам дека така треба да се гледа на работите. Мурињо е одговорен затоа што младите на тренинзите ги копираат неговите ставови. И повторно да потенцирам, тој е многу добар тренер“, вели Кањизарес.