Атлетико Мадрид како нов шпански првак се пушти во мисијата да додаде на квалитет во екипата со цел повторно да биде конкурентен во однос на Реал Мадрид и Барслеоназа следната сезона.
Првата желба на Диего Симеоне е капитенот на Удинезе и соиграч на Илија Несторовски, Родриго Де Паул. Офанзивниот креативец на Зебрите се најде на радарот на неколку гиганти, меѓутоа Атлетико направи конкретен потег и понуди 20 милиони евра плус младиот дефанзивец Нехуен Перес.
Оваа понуда се чини недоволна со оглед на тоа дека намерата на Удинезе е што повеќе да заработи барем двојно повеќе од тоа што го нуди Атлетико, но Де Паул е подготвен за чекор напред во кариерата и можеби калчолигашот ќе направи попуст.
Како и да е, Удинезе сигурно ќе ја наполни касата бидејќи го купи 27-годишниот аргентински репрезентативец за само три милиони евра во 2016 година од Валенсија. Од тогаш, Де Паул запиша 184 настапи за Зебрите со учинок од 34 погодоци и 36 асистенции.