Капитенот полни 37 години: Уживајте во дел од најубавите голови на Горан Пандев (Видео)

Горан Пандев денеска слави роденден. Капитенот на македонската репрезентација полни 37 години. Тоа се фудбалски години во кои голем дел од играчите веќе ги имаат закачено копачките на клин, но Пандев не се предава. Не само што не е во пензија, туку популарнито Гоче сезонава покажува дека уште е страв и трепет за противничките мрежи.

Искусниот голгетер е предводник на Џенова и прв стрелец во Серија А со девет погодоци. Токму благодарение на головите на Пандев, Џенова е на прагот на опстанок во италијанската елита. Во последните интервјуа, Пандев најави дека не планира да се повлече, туку дека сонот му е со Македонија да игра на Европското првенство кое ќе биде следната година.

Освен репрезентативниот сон, Пандев е на прагот да стигне и до 100 погодоци во Серија А. Досега струмичанецот има постигнато 94 погодоци во италијанското првенство, и тоа како играч на: Анкона, Лацио, Интер, Наполи и Џенова. Како честитка за 37-миот роденден на Пандев ви нудиме да погледнете дел од најубавите голови кои тој ги има дадено во кариерата.

ПРОТИВ ЈУВЕНТУС И ЏИЏИ БУФОН

ДВАТА ГОЛА ПРОТИВ РЕАЛ

СЛОБОДНИОТ УДАР ПРОТИВ МИЛАН

ГОЛОТ ЗА ПОБЕДА ПРОТИВ БАЕРН МИНХЕН ВО 88-МАТА МИНУТА

ДВАТА ГОЛА ЗА МАКЕДОНИЈА ПРОТИВ ШПАНИЈА

ГОЛОТ ОД 40 МЕТРИ ПРОТИВ ЛЕЧЕ СЕЗОНАВА

ПРОТИВ МАЗЕМБЕ, КОГА ГО ПРЕДВОДЕШЕ ИНТЕР ДО СВЕТСКАТА КЛУПСКА ТИТУЛА

- Оглас -

Најнови вести