Пелистер и Вардар утре од 18:00 часот се среќаваат во уште еден мегдан на двата ракометни гиганти од нашата држава.
И онака жешката атмосфера којашто е најавена во салата „Боро Чурлевски“, дополнително ќе биде подгреана со присуството на 150 вардарови навивачи, односно популарните Комити.
Како што е добро познато, салата во Битола е целосно распоредадена, според сите ковид-19 протоколи, а нè очекува голема битка на теренот.
Најсериозните кандидати за титулата во Суперлигата ќе ги одмерат силите во меч којшто значи многу повеќе од обична победа или пораз.
