Извршниот директор на Вардар, Миленко Неделковски, во објава на социјалните мрежи се осврна на сезоната која завршува, ја најави следната, ги откри плановите околу ростерот на новиот македонски шампион и подготовките, но и најави дека очекуваат „шпалир“ од Шкендија на последниот првенствен меч.
„Следниот викенд очекуваме шпалир со ракоплескање и честитање на титулата за најтрофејниот клуб во државата.“ – напиша Неделковски.
Следниот викенд се игра последното коло, кое нема да решава ништо, барем кога во прашање е шампионската титула, а на Национаната арена во Скопје ќе играат последните два шампиони – Вардар и Шкендија.
Сепак, во среда се игра финалето на Купот на Македонија, а таму се екипите на Шкендија и Силекс, па може да се случи да има и двоен шпалир, доколку екипата од Тетово дојде до трофејот, а мечот да биде своевиден Супер куп.
