Јувентус се помачи за да ги освои бодовите против Сасуоло и покрај тоа што гостите во целото второ полувреме играа со фудбалер помалку на теренот. Роналдо како лидер на екипата очекувано се трудеше до максимум да придонесе за позитивен резултат, па дури во финишот од мечот го најде патот до мрежата на Консиљи.
Со погодокот за конечните 3-1, Роналдо се израмни на вечната листа со Жозеф Бишан на рекордни 759 официјални погодоци за клуб и репрезентација.
Сепак, португалската ѕвезда ќе пукне од мака што петнаесетина минути претходно промаши голема шанса при резултат 1-1, со која можеше да биде и апсолутен рекордер во историјата на фудбалот со официјални 760 погодоци. Роналдо можеше да бира во кој дел од мрежата да шутира, но тој се одлучи за најлошото решение, директно во голманот.
What a finish from Cristiano Ronaldo!!!
As good as Messi's Freekick from yesterday.pic.twitter.com/B0S5FJNi3V— Fuegoleon (@Waffirian_) January 10, 2021
Прилика за да го стори тоа ќе има веќе за седум дена. Роналдо во големото дерби против Интер на „Џузепе Меаца“ (17 јануари) ќе може да го надмине рекордот на легедарниот чешки голгетер, кој речиси седум децении.
