Мелвуд грмна во чест на легендата – Клоп диригира, цел Ливерпул пее роденденска песна (Видео)

Јирген Клоп диригира, а цел состав на Ливерпул му отпеа роденденска песна на Стивен Џерард, голема легенда на англискиот клуб.

Популарниот Стиви Џи денеска наполни 40 години, а Клоп и неговите избраници на тренинг во „Мелвуд“ му подготвија пријатно изненадување.

Ова само ја потврдува убавата атмосфера во клубот што чека домашна титула цели 30 години и сезонава е многу блиску да го прекине постот.

Ливерпул нема пехар во Англија, откако се промовираше Премиерлигата во сезоната 1992/93, а вкупно има 18 трофеи и е само зад рекордерот Манчестер јунајтед.

Првенството во Англија би требало да продолжи на 17. јуни, а Ливерпул со 25 бода предност пред Манчестер сити е на прагот на 19. титула.

Интересно е што Стивен Џерард не успеа со Ливерпул за 17 сезони како играч на Црвените од „Енфилд роуд“ да освои пехар наменет за шампионот на Англија.

- Оглас -

Најнови вести