Европа или Јужна Америка? Кој континент ќе се фали дека го има најдобриот тим за 2019 година, ќе се знае утре, за кога е закажано финалето на Светското клупско првенство меѓу Ливерпул и Фламенго. Тренерот на Ливерпул, Јирген Клоп, уште пред да започне дуелот, започна да се жали.
Германскиот стратег вели дека на неговиот тим едноставно не му бил даден избор и морал да одигра два меча за 24 часа, па на тој начин бил „жртвуван“ трофејот во Лига купот, кога „децата“ на Ливерпул загубија со 5:0, додека првиот тим се подоготвуваше за дуелот од полуфиналето на планетарниот куп против Монтереј.
За разлика од Ливерпул, Клоп вели дека Фламенго имал многу поголема поддршка од домашната федерација и Бразилците биле испратени со надеж да се вратат како херои.
„Ситуацијата меѓу Ливерпул и Фламенго е сосема различна. Тие дојдоа со јасна цел, да го освојат пехарот и да се вратат дома како херои. Нам ни беше речено да останеме дома и да играме меч од Лига купот. Сепак, решивме да дојдеме тука и да се обидеме да го освоиме пехарот“, вели Клоп, кој додаде дека знае дека Фламенго е тим кој ретко губи и очекува голема битка во утрешното финале.
И покрај „плачењето“ на Клоп, според коефициентите во Sport Life, Ливерпул е фаворит за титулата.