Фулам убедливо со 7:0 го победи Блекбурн, и тоа на гостински терен, покажувајќи дека лондонскиот тим има амбиции за влез во Премиер лигата. Гостите уште по првите 20 минути водеа со 2:0, а во 30-тата минута Блекбурн остана со играч помалку по исклучувањето на Пол ван Хек.
Играчот на Блекбурн во стил на УФЦ борбите се обиде да сопре еден напад на гостите и со брутален фаул го собори Вилсон. Судијата веднаш му покажа црвен картон на Ван Хек, кој сигурно ќе добие и дополнителна казна поради овој опасен старт.
