Лацио конечно успеа да најде рецепт за разиграниот тим на Сасуоло и со победа од 2:1 ја сопре серијата на гостите од шест меча без неуспех во Серија А.
Мануел Лацари погоди во 17. минута по убавиот сол продор и најави крај на серијата на гостите, кои во циклусот од шест меча без пораз го надиграа и шампионот Интер, а ремизираа со Рома.
Great goal by Lazzari#Lazio pic.twitter.com/k1HF8AjxD1
— Van der Fleet (@luuk_de_jong9) April 2, 2022
Лацијалите комплетно ја завршија работата во 51. минута со вториот гол што го даде Сергеј Милинковиќ-Савиќ.
Траоре во последните моменти од мечот го постигна почесниот гол за Сасуоло, екипа што ја заврши серијата од шест меча без пораз.
Српскиот репрезентативец Милинковиќ-Савиќ го постигна деветиот гол сезонава во Серија А и има ист број на асистенции, а сега ја брка бројката 19 во вкупен збир на голови и асистенции што ја имаше лани во целата сезона во Калчото.