Најуспешниот хрватски скијач, Ивица Костелиќ беше бесен по завршувањето на машкиот слалом на Сљеме во Загреб, а имаше многу забелешки на поставената патека.
Швајцарецот Јулиен Вигњие беше задолжен за поставената патека на која се возеше слаломот од Светскиот куп, а Костелиќ не беше задоволен.
„Ова е идиотизам. Нема врска со натпреварување од рангот на Светскиот куп. Па ова беше патека за деца. Во Светскиот куп мора да има некакви критериуми“, изјави Костелиќ.
Интересно е што неговиот татко Анте Костелиќ, порано беше многу критикуван од скијачите дека неговите патеки беа претешки и нелогични на многу врвни натпревари во Светскиот куп.
Французинот Клеман Ноел победи на Сљеме, пред Зенаусерн од Швајцарија и Винацер од Италија, а бесот на Костелиќ веријатно се базира и на лошиот пласман на хрватските скијачи.
Леон Никиќ е најдборопласираниот домашен слаломист на 39. позиција, а веднаш зад него е Филип Зубчиќ од кого се очекуваше висок пласман и сигурни бодови.
